Adnan Rrustemi nga Lëvizja Vetëvendosje pret që në zgjedhjet e 28 dhjetorit, kontributi i qytetarëve të jetë i drejtpërdrejt.
Rrustemi deklaroi se zgjedhjet e 28 dhjetorit janë pasojë e bllokadës 8 mujore, ngase sipas tij është angazhim i planit të opozitës për pengimin e Qeverisë Kurti 3.
Ai ka treguar se gjatë fushatës, VV-ja do të ketë takime, sqarime dhe komunikime intensive për shpjegimin e gjithë bllokadës politike.
Derisa, ai shtoi se synimi i opozitës me deputetët e Listës Serbe është që të bëjnë koalicion, nëse LVV nuk i ka votat e mjaftueshme për ta krijuar qeverinë.
“Presim që zgjedhjet e 28 dhjetorit të jenë kontributi i drejtpërdrejt i qytetarëve për bllokadën 8 mujore. Zgjedhjet e 28 dhjetorit janë pasojë e bllokadës 8 mujore si një angazhim i një plani të opozitës për ta penguar qeverinë Kurti 3 dhe si fazë e dytë e planit të tyre për të krijuar një qeveri të pakicës, të opozitës, do të angazhohemi në këto ditë që ka mbetur deri më 28 dhjetor në takime, sqarime e komunikim intensiv për ta shpjeguar gjithë thelbin e bllokadës 8 mujshe dhe natyrisht rrezikun për të ardhmen e Kosovës, sepse për bindjen time ky plani i opozitës për një qeveri të pakicës kundër VV bashkë me deputetët e Listës Serbe ka dështuar, por nuk ka vdekur ata ende llogarisin në një opsion të dytë që edhe pas zgjedhjeve të 28 dhjetorit nëse VV nuk i ka votat e mjaftueshme për ta krijuar qeverinë të bëhen bashkë”, ka deklaruar Rrustemi në emisionin “Mesditë” në Tëvë1./teve1.info/
