Këtë e konfirmoi për Radion Evropa e Lirë, zëvendësdrejtori i Policisë për rajonin e veriut, Besim Hoti.
“Gjendja nuk ka ndryshuar. Situata është e qetë, nuk ka ndodhur asgjë. Barrikadat janë ende prezentë aty, por të shohim sot gjatë ditës se çfarë do të ndodhë pas vendimit që është marrë”, tha Hoti për REL-in.
Qeveria e Kosovës mbrëmë ka vendosur që shtyjë zbatimin e dy vendimeve, atë për letërnjoftimet dhe tabelat deri më 1 shtator, por vetëm pasi serbët të largojnë barrikadat.
Sipas Qeverisë së Kosovës derisa të largohen barrikadat vendimi për reciprocitet do të jetë në fuqi.
Kërkesë për shtyrje të zbatimit të këtyre dy vendimeve kishte dhënë edhe ambasadori amerikan në Kosovë.
