Rrugët në këtë pjesë vazhdojnë të mbeten të mbyllura.
Kështu ka bërë të ditur për Tëvë1 zëdhënësi i policisë për rajonin e Mitrovicës, Besim Hoti.
Ndërsa, Policia e Kosovës kan njoftuar për arrestimin e ish-pjesëtarit të Policisë së Kosovës, Dejan Pantiq, për shkak siç është thënë, dëshmive se ai ka organizuar “sulmin terrorist në zyrat e KQZ-së në veri të vendit”.
E për të kundërshtuar arrestimin e Pantiq, serbët lokalë ngritën barrikada dhe kanë bllokuar disa rrugë në veri.
Duke përmendur çështjet e sigurisë, Policia e Kosovës më vonë ka njoftuar për mbylljen e dy pikë kalimeve mes Kosovës dhe Serbisë – Jarinjë dhe Bërnjak
Si rrjedhojë e situatës së krijuar, presidentja e Kosovës, Vjosa Osmani mori vendim që të shtyhen për në prill zgjedhjet, të cilat ishin paraparë që të mbahen në veri të vendit më 18 dhjetor.
Vendimin e Osmanit për shtyrje të zgjedhjeve në veri e mirëpritën shtetet e QUINT-it./Teve1.info/
