Me qëllim shtensionimin e situatës, përfaqësuesi i lartë i Bashkimit Evropian Josep Borrell, ka publikuar 3 kërkesa: Zgjedhjet e reja lokale në veri, Sigurimi i pjesëmarrjes së serbëve të Kosovës në zgjedhje, Fillimi i punës për themelimin e Asociacionit në kuadër të dialogut të lehtësuar nga BE-ja.
Profesori universitar Milazim Krasniqi thotë se këto kushte mund të sjellin qetësimin e situatës, por jo ndonjë zgjidhje politike.
Edhe Eahat Miftaraj nga Instituti i Kosovës për Drejtësi thotë se zgjedhjet e reja, do të jenë një rrugëdalje nga situata në veri.
Për shtensionimin e situatës dhe zgjedhjet e reja kryeministri Kurti ka pasur bisedë telefonike edhe me disa zyrtarë amerikan. Në rast se kërkesat ndërkombëtare nuk do të plotësohen, Kosova është paralajmëruar edhe me pasoja që ndërlidhen me humbjen e mbështetjes ndërkombëtare në proceset integruese.
Kronika e realizuar nga gazetari Valmir Gallopeni
