Komuna e Prishtinës ka njoftuar se nga e shtuna më 15 shkurt nga ora 22:00 deri më 17 shkurt në ora 20:00, rruga “Garibaldi” do të jetë e mbyllur për parkim dhe qarkullim.
Kjo rrugë do të jetë e mbyllur për qarkullim për shkak të organizimit të parakalimit të trupave të FSK-së dhe Policisë së Kosovës me rastin e 17 shkurtit – Ditës së Pavarësisë.
“Nga e shtuna, 15 Shkurt, ora 22:00 deri më 17 Shkurt, ora 20:00, rruga Garibaldi (nga udhëkryqi i Bankës Qendrore deri te Grand Hoteli) do të jetë e mbyllur për parkim dhe qarkullim për shkak të organizimit të parakalimit të Trupave të FSK-së dhe Policisë së Kosovës, me rastin e 17 Shkurtit – Ditës së Pavarësisë. Ju lutemi të planifikoni lëvizjet tuaja duke përdorur rrugë alternative dhe të respektoni udhëzimet e autoriteteve për mbarëvajtjen e këtij organizimi të rëndësishëm. Gëzuar Ditën e Pavarësisë!Faleminderit për mirëkuptimin!”, thuhet në njoftimin e komunës./teve1.info/
