Reprezentuesi i Kosovës, Donat Rrudhani ka ndërruar skuadër por jo edhe kampionat.
Mesfushori 25-vjeçar i është bashkuar skuadrës së Luzernit, ku edhe është prezantuar të martën.
Luzerni ka njoftuar se Rrudhani do të jetë i huazuar deri në fund të sezonit, ndërsa e ka edhe opsionin e blerjes së tij verën tjetër.
Rrudhani ka kontratë me Young Boysin deri në vitin 2026, ndërsa sezonin e shkuar luajti i huazuar te skuadra Lausanne-Sport.
Te skuadra e Luzernit, Rrudhani do ta bartë fanellën me numrin 11 kurse të martën menjëherë i është bashkuar ekipit të ri në stërvitje.
Ai ka edhe 10 paraqitje e 2 gola të shënuar për Kombëtaren e Kosovës për të cilën debutoi në qershor të vitit 2021.
