Një autobus është vetaksidentuar mëngjesin e sotëm në fshatin Shkrel – Rugovë, i cili ka dalë nga rruga dhe është rrokullisur.
Si pasojë, lëndime kanë pësuar 17 persona, të cilët janë dërguar në Emergjencën e Spitalit Rajonal në Pejë për tretman mjekësor.
Rastin për tëvë1.info, e ka konfirmuar zëdhënësi i policisë për rajonin e Pejës, Driton Rugova.
“Sot rreth orës 00:50, Policia është njoftuar për një vetaksident i cili ka ndodhur ne fshatin Shkrel-Rugovë, në këtë vetaksident ishte i përfshirë një autobus i cili ka dalë nga rruga dhe është rrokullisur. Si pasojë shtatëmbëdhjetë (17) persona kanë pësuar lëndime trupore, të njëjtit janë dërguar në emergjencën e Spitalit Rajonal në Pejë për tretman mjekësor, rasti është duke u hetuar nga Njësia e Trafikut Rajonal”, tha ai./teve1.info/
