Votën e tij nga diaspora për zgjedhjet parlamentare në Kosovë po e tregon publikisht.
Kështu fletëvotime të plotësuara të subjekteve politike, sikur ky që ka siguruar Tëvë1 tash e disa ditë kanë rrjedhë në rrjetet sociale përmes videove dhe fotografive.
Për këtë rast Zyra e Kryeprokurorit të Shtetit e ka autorizuar policinë e Kosovës për hetim duke cilësuar rastin “Cenim i fshehtësisë së votimit”.
“Në kuadër të këtij angazhimi dhe pas pranimit të informatave se ka raste të dyshuara në drejtim të veprës penale ‘Cenimi i fshehtësisë së votimit’, nga neni 215 i Kodit Penal të Republikës së Kosovës, Prokuroria Themelore në Prishtinë ka autorizuar Policinë e Kosovës të ndërmarrin veprimet e nevojshme hetimore”, thuhet nga Prokuroria e Shtetit
Pikërisht për këtë çështje, Arianit Elshani anëtar i Komisionit Qendror të Zgjedhjeve nga radhët e PDK-së, tha se kanë ngritur shqetësime në mbledhjen e fundit.
“ Kjo cenon rëndë integritetin e procesit zgjedhorë të votimit të jashtë Kosovës prandaj unë bëjë thirrje të gjithë qytetarëve që të mos publikojnë, e para të mos votojnë në rrethe familjare dhe e dyta të mos i publikojnë këto në rrjete sociale. Është kërkuar që të iniciohen proceruda edhe nga Policia e Kosovës dhe nga Prokuroria për të trajtuar si rast veç e veç” , ka thënë Elshani.
Elshani theksoi se janë në koordinim të ngushtë me Ministrinë e Punëve të Jashtme që procesi i votimit me postë të shkon në mënyrë të rregullt.
“Komisioni qendror i zgjedhjeve ka punuar ngushtë edhe me ministrinë e punëve të jashtme që të organizoi këtë votim ashtu siç e parashikon ligji për zgjedhjet e përgjithshme. Tre mundësi për votuesit jashtë Kosovës, edhe sa i përket kutive postare edhe votimit me postë jemi siguruar që të bëjmë me aq sa kemi mundësi që të ruhet integriteti i procesit zgjedhorë”,thotë ai.
Ai shtoi se në këtë proces por edhe të tjerët ka persona që dëshirojnë të bllokojnë procesin zgjedhor duke manipuluar në mënyra të tilla.
