Pasi që Izraeli nisi një valë sulmesh ajrore në të gjithë Rripin e Gazës herët të martën, spitalet raportojnë për më shumë se 400 njerëz të vrarë, duke përfshirë gra dhe fëmijë, raporton AP.
Një mjeke që punonte në një spital të Gazës tha se ajo kishte parë “një nivel tmerri” që ishte e vështirë të artikulohej pas bombardimeve të befasishme të Izraelit në territor.
Dr. Tanya Haj Hassan, një vullnetare me Ndihmë Mjekësore për Palestinezët me bazë në Spitalin Nasser, tha se njësia e kujdesit intensiv pediatrik ishte plot. Ajo tha se kishte trajtuar personalisht të paktën pesë pacientë që vdiqën në dhomën e urgjencës.
“ER-ja ishte thjesht kaos, pacientët kudo, në dysheme,” tha ajo. “Ishin ndoshta tre burra, dhe të tjerët ishin të gjithë fëmijë, gra, të moshuar, të gjithë të zënë në gjumë, të mbështjellë me batanije.”
Sulmi i befasishëm erdhi pas një periudhë qetësie relative gjatë muajit të shenjtë mysliman të Ramazanit dhe ngriti perspektivën e një rikthimi të plotë në luftime, në një luftë 17-mujore që ka vrarë dhjetëra mijëra palestinezë dhe ka shkaktuar shkatërrim të gjerë në të gjithë Gazën .
