Ministria e Shëndetësisë ka thënë që Kosova fatmirësisht nuk ka raste të vdekjes, shkruan teve1.info
“Kosova shënon këtyre ditëve numër të vogël të rasteve të reja të COVID-19 dhe për më tepër, prej disa javësh, fatmirësisht, nuk ka as raste të vdekjeve nga kjo sëmundje. Por, në vende të ndryshme të botës, këtyre ditëve sërish janë regjistruar raste të shumta të COVID-19, sepse pandemia COVID-19 nuk ka mbaruar”, thuhet në njoftim.
MSH-ja ka këshilluar qytetarët që të vaksinohen me dozën e parë për ata që ende nuk janë vaksinuar, kurse të tjerët me dozën e dytë e dorën e tretë kundër Covid-19.
“Me qëllim të përforcimit të imunitetit dhe parandalimit të rasteve të reja dhe formave të rënda të sëmundjes, qytetarët këshillohen që vaksinohen, me dozën e parë ata që ende se kanë bërë këtë, kurse të tjerët me dozën e dytë dhe dozën e tretë të vaksinës kundër COVID-19”, thuhet në njoftimin e MSH-së.
