Interesimi i skuadrave italiane për shërbimet e futbollistit të Kosovës, Edon Zhegrova po shtohet gjithnjë e më shumë.
Krahas Juventusit, për transferimin e Zhegrovës po insistojnë edhe Roma, Atalanta e Milani kanë raportuar të mërkurën mediumet italiane.
Zhegrova po shkëlqen këtë sezon me fanellën e Lillet dhe është shndërruar në lojtarin kryesor të ekipit francez për të cilin ka shënuar 7 gola dhe ka bërë 2 asistime në 17 paraqitje deri më tani.
Megjithatë, thuhet se Juventusi ka përparësi ndaj ekipeve tjera për transferimin e Zhegrovës pasi është gati të ofroj deri në 25 milionë euro për ta bindur Lillen në lirimin e tij në verë.
Zhegrova ka kontratë me Lillen deri në vitin 2026, ndërsa pjesë e ekipit nga Franca është prej janarit të vitit 2022 kur iu bashkua nga skuadra e Baselit.
