Në orët e para të mëngjesit të sotëm, në fshatin Nerodime e Ulët, ka ndodhur një aksident trafiku me lëndime të rënda trupore, ku është përfshirë një 60-vjeçar, A. H., që po udhëtonte me biçikletë.
Sipas hetimeve fillestare, aksidenti ndodhi pasi i lënduari humbi kontrollin mbi biçikletën, duke u rrëzuar në asfalt
Zëdhënësi i Policisë së Kosovës për rajonin e Ferizajt, Kanun Veseli, për Tëvë1 ka bërë të ditur se pas rrëzimit, 60-vjeçari ka pësuar lëndime të rënda trupore dhe është dërguar fillimisht në Qendrën Emergjente në Ferizaj, dhe më pas është transferuar për trajtim të mëtutjeshëm në QKUK në Prishtinë.
“Lidhur me rastin është njoftuar prokurori i shtetit dhe po ndërmerren të gjitha veprimet hetimore për ndriçimin e plotë të rrethanave të aksidentit”, tha ai./teve1.info/
