Enkel Rexhepi nga Këshilli Kombëtar i Shqiptarëve në Serbi, në një lidhje direkte në “Ditari” në tëvë 1 deklaroi se këto shifra ende nuk janë zyrtare, por sipas informatave të tyre në terren.
“Ende nuk kemi shifra konkrete se sa janë shqiptarë dhe sa serbë dhe romë, por ajo që dimë është se 59 mijë e 24 qytetarë janë në Preshevë, ndërsa në Bujanoc 54 mijë e 529 qytetarë, në Medvegjë janë 8 mijë e 505 qytetarë. Por ajo që dimë tani sipas disa të dhënave në terren që kemi në Preshevë pasi është mbi 95 për qind shqiptarë. Dimë afërsisht prej të dhënave jozyrtare se 57 mijë shqiptarë janë në Preshevë dhe ajo që është me rëndësi të ceket është se të gjitha vetëm vendbanimet kur janë serbë ka shumë rënie të popullsisë dhe vetëm një fshat në Preshevë është me 15 shtëpi dhe asnjë banorë”, tha ai.
Por, Rexhepi thotë se në Medvegjë kanë kërkuar shtyerjen e afatit sepse nuk kanë arritur të gjithë shqiptarët që të regjistrohen.
“Ndërkohë që dihet ajo që është shumë më e koklavitur është çështja e Medvegjës pasi ne kemi kërkuar të shtyhet afati sepse ende nuk janë regjistruar të gjithë shqiptarët aty ka ngecje, por Këshilli i Komisionit i regjistrimit lokal ka refuzuar kërkesën tonë dhe edhe në Medvegjë ka përfunduar regjistrimi”, shtoi ai.
Sipas tij, arsyeja për këtë kërkesë është se që nga fillimi ka pasur ngecje në Medvegjë sepse kanë dashur ta kontestojnë numrin e shqiptarëve atje dhe të deklarohet numri më i madh i serbëve.
“Arsyeja është e qartë, prej fillimit kemi pasë ngecje në regjistrim dhe ata kanë dashur të kontestojnë numrin e shqiptarëve dhe nëpër vendbanime ku banojnë, vetëm ata nuk kanë treguar gatishmëri përpos në Banjë e këtu që është popullata e përzier aty është bërë në mënyrë të rregullt me disa pengesa të vogla. Teksa në vendbanimet shqiptare është bërë në mënyrë të tërthortë ne vetëm se janë shqiptarë dhe kanë dashur të mos del numri i saktë i shqiptarëve dhe kanë dashur të deklarohet numri më i madh i serbëve”, tha ai.
Madje, Rexhepi shton se kjo lidhet me çështjen se janë rreth 100 mijë shqiptarë në Serbi – numër më i madh ky se i serbëve në Kosovë.
“Dhe çështja është që lidhet me Kosovën sepse kemi një numër afër 100 mijë shqiptarë ku me këto shifrat e fundit na del se më shumë shqiptarë në Serbi sesa serb në Kosovë, kjo është ndër faktorët kyç edhe të bisedimeve Kosovë – Serbi. Ne kemi kërkuar zgjaten e afatit siç e thashë për atë aryse se ende ka shqiptarë të pa regjistruar dhe ky regjistrim nuk është i saktë, shqiptarë ka ende të pa regjistruar, nuk e dijmë saktë dhe tash ende nuk ka përfunduar përpunimi i të dhënave por ajo që kemi në terren, kemi diskutime të cilat janë çështje të shqiptarëve nuk janë të regjistruar në disa pjesë të banuara me shqiptarë”, tha ai.
Po ashtu, ai si sfidë përmend edhe përpunimin e të dhënave që sipas tij do të ketë diskriminim, për çka përmend edhe deklaratat e presidentit serb, Aleksandar Vuçiq.
“Tani kemi sfidën e radhës te përpunimi i të dhënave besoj se do të ketë diskriminim është e qartë nga deklarata e Vuçiqit nuk mund ta pranojnë çështjen e 2011-ës ku thonë se 1 mijë e 118 janë shqiptarë ndërsa në gjithë Serbinë kanë qenë 5 mijë e 800 shqiptarë”, shtoi ai.
