Drejtori i shkollës së mesme të ulët “Osman Rama” në fshatin Çabër të Zubin Potokut, Enver Hasani, ka thënë se numri i votuesve në këtë shkollë po shkon duke u rritur nga mesdita.
Në një lidhje direkte për Tëvë 1, Hasani tha se të drejtën e votës e kanë shfrytëzuar rreth 100 votues, të gjithë shqiptarë.
“Qendra është hap me kohë. Qendra është hap në ora 7. Numri i votuesve në mesditë po shkon duke u rritë. Çdo sen ka shku në rregull”.
“Deri në këtë periudhë kanë qenë rreth 100 votues. 1534 votues janë në listë në shkollën tonë, mbi 800 shqiptarë janë, pjesa tjetër janë të komunitetit serb. Deri më tani serbët nuk e kanë shfrytëzu të drejtën për votim. Dy vëzhgues janë të tyre”, njoftoi ai.