Muharrem Ibraj na hyri në shtëpi, gjuajti me armë dhe ma vrau burrin” – Gruaja nga Gjakova rrëfen për krimet makabre të shqiptarit në uniformë të Serbisë
Burrin dyshohet që ia ka vrarë Muharrem Ibraj – “Çika ja ka mbledh trutë babës vet me grusht” – flet gruaja e Sylejman Bajramaj,
Një rrugë në fshatin Osek Hylë në Gjakovë mban emrin e dëshmorit Sylejman Bajramaj.
26 vite më parë, ai mbeti i vrarë në shtëpinë e tij.
I dyshuar për këtë vrasje është Muharrem Ibraj, ndaj të cilit Prokuroria Speciale të mërkurën ngriti një aktakuzë.
Ibraj dyshohet se në uniformë të policisë serbe, mori pjesë edhe në dhunime e keqtrajtime të civilëve shqiptar në Gjakovë.
Atë kohë e kujton mirë Zaed Bajramaj, gruaja e dëshmorit Sylejman Bajramaj.
“Janë hy brenda Isa dhe Ibra (vellezer), Ibra ka nejt jashtë, Muharremi ka hy brenda dhe ka maltretu mysafirët burri i ka thënë jo i kam mysafirë i ka thënë del përjashta se ti je ma i zi, si ja ka kthy shpinën ka gjuajt automat edhe e ka kap burrin tem edhe i ka marr krejt ata çka kanë qenë brenda i ka qit përjashta i ka mbështet për muri”, thotw Zade Bajramaj
Pasi shtiu me armë brenda shtëpisë, Zadja kujton se Muharrem Ibraj i urdhëroi burrat e tjerë të rreshtohen tek ky muri.
“Tash po thom un sdi qysh s’jemi tranu se ka qenë tmerr, çika ja ka mbledh trutë babës së vet me grusht edhe ia kemi shti në sanak, ku ka me shku ma zi, veç njeri më i fortë se guri. Po duhet me përballu edhe puna e fëmijëve, i kam pas të vegjël, djalin e vogël 6 vjeç i ka pas”, shprehet gruaja e dëshmorit Sylejman Bajramaj.
Zade Brahimaj me tre djemtë dhe dy vajzat e saj, po presin drejtësi për këtë krim makabër.
Ajo thotë se për të bëmat e Ibrajt do të dëshmonte në gjykatë.
Gjykimi ndaj Muharrem Ibrajt do të mbahet në mungesë, pasi i akuzuari ndodhet në Serbi, ku ka gjetur strehë pas krimeve të kryera në Kosovë.
