Kjo rrëshqitje e borës shkaktoi tragjedi para 12 viteve. 10 banorë të fshatit Restelicë të Dragashit më 12 shkurt 2012 humbën jetën nga ky ortek. Por fatkeqësisë i mbijetoi në atë kohë vetëm 7-vjeçarja Amsera Reka, e cila tashmë jeton te të afërmit e saj. Asaj i vdiqën babai, nëna, vëllai dhe gjyshërit.
E i parë që shpërndau lajmin ishte Uzair Hamza koordinator për komunitet në Dragash e gjithë kjo përmes portalit të tij, Goran Press. E kujtimet për këtë tragjedi ai i ka ende të freska.
“Fatkeqësisht, mendoj që ajo periudhë kurrë s’do të largohet nga kujtimet e mia, e as nga kujtimet e të gjithë banorëve të komunës tonë. Më kujtohet ai viti, 2012, diku rreth orës 9 kam pranuar informatë nga përfaqësuesit e fshatit, kolegëve, shokëve të mi, që në Restelicë kishte ndodhur tragjedi.Nuk e kam ditur që përmasa e tragjedisë është aq e madhe. Në atë moment kam njoftuar portalin GoraPress. që ka dërguar informatën në botë, për atë tragjedi të madhe që ndodhi me 11 shkurt të vitit 2012.Në atë moment askush s’ka guxuar as të dyshojë që ka viktima, njerëz që kanë humbur jetën në mënyrë tragjike”, u shpreh Uzair Hamza-Koordinator për komunitete në Dragash.
E më shumë se një dekadë pas kësaj tragjedie, e mbijetuara e kësaj tragjedie, Amsera Reka është duke jetuar në Itali.
Hamza ka treguar për tëvë 1, se si është gjendja e saj.
“Sa i përketë Amsera Rekës, mund t’ju them që ajo tash është grua e martuar. Pas tragjedisë ajo ka jetuar te prindërit e nënës, në Itali. Gjatë verës është martuar dhe tash ka familjen e saj”, tha Hamza.
Nga orteku që goditi fshatin, shtëpi të shumta u shkatërruan. Por edhe pse kanë kaluar më 12 vite që nga tragjedia që ndodhi fshatin Restelicë, sipas Hamzës, institucionet nuk kanë ndihmuar në restaurimin e shtëpive.
“Marr parasysh që vetëm Amsera Reka ka pranuar ndihmë nga presidentja e atëhershme e Kosovës, ka qenë ndihmë në para. Askush nga institucionet qendrore nuk ka ndihmuar familjet, shtëpitë nuk janë ndërtuar, vetëm Komuna e Dragashit, ka ndihmuar të ndërtohet një ndërtim mbrojtës”, ka deklaruar Hamza.
Në ditët e para pas tragjedisë, presidentja Atifete Jahjaga i kishte ndarë Amserës një fond prej 10 mijë eurosh.
