Me 12 qershor u kthye në e shtëpi.
E në dyert e oborrit, Bedri Pajaziti, shkrepi një plumb.
Përmes kësaj krisme, ish-ushtari i UCK-së, dha lajmin për çlirimin e qytetit të Ferizajt.
I gjithë ky moment, u kap në këtë fotografi, plot 27 vjet më parë.
Në të shihet Bedri Pajaziti teksa gjuan me armë dhe nëna që vrapon drejt tij nga gëzimi.
“Ajo fotografi është realizuar në dyertë e oborrit të shtëpisë sime kur unë jam taku herën e parë pas luftës me familjen time. Është interesante ajo fotografi, është shumë spontante, është e çastit, është e momentit, është e gëzimit, lumturisë, është diçka që të kujton momentet më të mira të jetës sime”, ka thënë Pajaziti.
Pajaziti, atë kohë 18-vjeçar tregon për tëvë1 sesi u bë pjesë e Brigadës 161 “Ahmet Kaçiku” në Zonën e Nerodimës.
“Situata shkonte duke u tensionuar dhe duke u bllokuar qasjet, rrugët për me shku deri atje, dhe diku e shtata apo teta herë, kur kam shkuar në fshatin Mollopolcë aty jam taku me dikënd që pranojke dhe regjistrojke ushtarët e UÇK-së dhe njëfarë mënyre e bindëm që të na pranoj që të jemi pjesë e luftës dhe ajo kohë ka qenë shumë e gëzushme për mu”, u shpreh tutje Pajaziti
Nën emocione, ai kujton edhe reagimin e nënës kur kishte marrë vesh se i biri kishte veshur uniformën e UÇK-së.
“Në ato momente ajo na shihte shumë të rinj, kur na pa në moshë të rinj na sugjeronte që most ë shkojmë një herë, mirëpo kur e pa bindjen tonë ajo filloi të na organizonte me disa veshmbathje…”, theksoj Pajaziti.
Ndryshe, Bedri Pajaziti gjatë periudhës së luftës ka qenë pjesë e ekipit të radiolidhjes në Petrovë të qytetit të Shtimes.
