Flamuj kombëtarë e simbole tjera, të shoqërojnë qysh në hyrje të dy fshatrave të banuara me shqiptarë, Cërajë dhe Koshtovë.
Ani se vështirësitë i ka të theksuara, Enver Aliut nuk po ia zvogëlojnë vullnetin, për të jetuar në Cërajë.
Ngjarjet e fundit në këtë pjesë veriore të Kosovës, nuk po e frikësojnë këtë të ri.
Po thotë se shqiptarët këtu, kanë kaluar ditë edhe më të rënda.
Pavarësisht rrethanave thotë se ka vendosur të mos e lëshojë fshatin.
Tokën e tij nuk e shiti as për milionat.
Por këtë e brengos goxha shumë fakti se si ky fshat me 70 familje dikur, tani kanë mbetur vetëm pesë.
E largimi i tyre për të nuk është i rastësishëm.
Kur foli për siguri, tregoi që sa herë që ka zhvillime në veri, banorët e fshatit mobilizohen.
Për sigurinë e tyre po përkujdesen këta policë të Njësisë Speciale.
Pas vendimit të ri të qeverisë për targat situata në veri ka ndryshuar. Serbët e këtushëm të angazhuar në institucionet kosovare u dorëhiqen.
Të prirë nga Lista Serbë thanë se nuk kthehen derisa të tërhiqet vendimi për targat dhe të formohet Asociacioni.
Kronika e gazetarit Arton Rama.
