Humbja e jetës së tre fëmijëve mitrovicas në Lumin “ Ibër” bëri që e tërë Kosova të ngrihet në këmbë në marsin e vitit 2004.
Të alarmuar nga kjo tragjedi populli shqiptar nisi protestat masive e që tash njihen si “Trazirat e Marsit”.
Asllan Elashani është vetëm njëri nga pjesëmarrësit e kësaj ngjarjeje.
Vet kishte mbetur i lënduar, kurse dy vëllezër i vdiqën.
“Dy vëllezërit janë vrarë aty, kur janë vra nuk i kam parë. E kam parë njërin që e kanë gju një kamion por kam mendu që është tjetër kush krejt edhe kam shku me i dhënë ndihmë por nuk më lanë me hi brenda te ai. Kur e kanë pru para neve në drita të autoblindës e kam vërejt në pantolla që është vëllai im i vogël”, ka deklaruar ai.
Për të i rëndë ishte momenti kur e kuptoi që edhe vëllau tjetër i kishte vdekur në këtë tragjedi.
“Për me vërtet, i thash a ka mundësi teshat e Bajrës edhe të Kastrioitt, të Bajrës, i gjetëm të vëllait të madh e të Kastriotit nuk gjendeshin. Por pas pak minutave i gjetëm edhe ato e aty më hupi shpresa krejt”, ka deklaruar Elshani.
Përkundër tragjedisë, 46 vjeçari thotë se nëse ka nevojë, prapë do të bëhej pjesë e protestave të ngjashme.
