Pas më shumë se pesë muaj, ditën e nisi bashkë më gruan e fëmijët.
Hazir Haziri nga Podujeva pasditen e së mërkurës u lirua nga autoritetet serbe.
Kjo meqë nga 8 shtatori, ai po mbahej në paraburgim në Beograd.
E gjithë ngjarja kishte nisur në pikën kufitare në Merdare.
Policia serbe e arrestoi 77 vjeçarin, me akuzat për krime lufte ndaj popullatë serbe në Podujevë.
Për Tëvë1 Haziri ka treguar si ishin ditët brenda burgut serb.
“Një ditë ka qenë jo një ditë por një vjet, mas pari me fjetë nuk kam mundur kurrë mu përzieke edhe ëndrrat edhe realiteti, prej mëngjesit .Ai ndërrimi i komandës duhet të ngiteshim në këmbë me prit, pastaj vinte mëngjesi, ilaçet, shëtitja, dreka e darka kemi pas televizionin, banjon brenda nuk ka pasur kufizime, unë e kam këqyrë gjithë natën televizorin”, tregon ai.
Ndonëse thotë që keqtrajtime nuk pati, qëndrimi në burgjet e Serbisë nuk ishte i lehtë.
Por llapjani tregon se ku e gjeti forcën prapa grilave.
“Mua me kanë mbajtur dy sene, që kamë pasur si mbështetje pasi aktakuza ime ka qenë më e rënda, kriminel lufte, më rëndë nuk ka, edhe kur e kam kujtua që në ato burgje në vitet e 60- ta e deri në vitet 2000, shokët e mijë janë dënuar nga 3 vjet, 78 e 10 e deri në 15 vjet, i kanë mbajtur e nuk janë dorëzuar me maltretime e unë jam bërë i fortë më zor”, shprehet Haziri.
Lirin e ëndërroi çdo natë.
Por ajo i erdhi, në natën e vetme që nuk e priste.
“Për çdo ditë, prej natës deri në mbrëmje ka shkuar duke menduar sot po më lëshojën, sot po më lëshojnë se qashtu u kon se muajin e parë kanë pas më me leshu, por për çështje politike është dashtë me bo katër- pesë muaj aty. Bre sot e bre sot, a veç dje nuk kam menduar kurrë”, tregon ai.
Haziri, tani në gjirin familjar, nuk po i harron as ata që e ndihmuan në ditët e vështira.
“Ju kërkoj falje familjarëve të mijë që kanë bajt dert, shokëve të mijë, kosovarëve të mijë që i dua shumë, avokatit Arianit Kocit, që ka ardhur prej Prishtine e ka qenë i angazhua, Jetish Jasharit që ka ardhur i pari e që i pari ma ka qelë gojën shqip pas një muaji, e falënderoj Berat Shabanin edhe Blerim Poteren”, shprehet ish- i burgosuri.
Ndryshe, në burgjet e serbe gjenden ende edhe disa qytetarë të Kosovës të cilët u arrestuan gjatë vitit të kaluar.
