Ajo në një rrëfim për Tëvë1, ka thënë se ishte në gjumë kur ndodhen sulmet e para.
“E gjitha kjo më duket si një ëndërr e keqe, sinqerisht nuk e kam pritur se kjo të ndodhte. Kur u bënë sulmet e para nga ushtria ruse, unë isha në gjumë. Rashë të flija në ora 5:30 në mëngjes, e vetëm 25 minuta më vonë përjetova një makth të tmerrshëm nga zhurma e madhe që u krijua. Ende në kokën time e dëgjoj zhurmën e sirenave, është diçka qe do më përcjellë për të gjithë jetën, tha ajo për Tëvë1
Iryna shprehet e brengosur për prindërit e saj të moshuar.
Ajo thotë se ata nuk dëshirojnë të largohen nga Ukraina, pavarësisht situatës se krijuar.
“Jam e shqetësuar për prindërit e mi që po insistojnë të qëndrojnë. Babai im është 75 vjeç, ndërkaq nëna ime 65 vjeç. Ata thonë se do qëndrojnë në shtëpi, sepse janë të moshuar dhe askush nuk do t’i sulmojë. Ata thjesht nuk po e kuptojnë që ushtarët rusë kanë sulmuar shumë civil gjatë këtyre ditëve”
Sipas raportit të Kombeve të Bashkuara, mbi 700 civilë përfshirë fëmijë kanë humbur jetën në Ukrainë si pasojë e agresionit rus.
Intervista e realizuar nga gazetari Shpat Blakçori
