Nga Shqipëria morën rrugën e kthimit për në Kosovë.
Por, ekskursioni i maturantëve të gjimnazit “Abdyl Frashëri” u kthye në tragjedi në Fushë-Arrëz.
E gjithë ngjarja ndodhi mesditën e 14 tetorit të vitit 2004, kur autobusi me nxënës nga Malisheva ra në humnerë.
Në ulëset e para të autobusit ishte ulur profesori i kimisë, Asllan Bajrami
Ky i fundit e mban mend mirë çdo detaj të asaj ditë me shi.
“Atë ditë me 14 tetor diku kah ora 2:16 minuta duke u kthyer në Fushë-Arrëz, ishte kohë më shi kur papritmas një automjet i tipit Benz, u fërkua për autobusin e parë dhe e goditi autobusin tonë. I cili ra drejtë, aty ka qenë një shkëmb dhe ra poshtë duke u ndarë përgjysmë”, tregon Bajrami.
Shumica e maturantëve, sipas Bajramit, ishin në gjumë kur autobusi ra 30 metra poshtë rrugës.
“Kam rënë ulur dhe menjëherë jam ngritur në këmbë ku e kam parë atë gjendje tmerri. 1:46 Afër meje ka qenë i gjakosur shoferi i autobusit, nxënësit kanë qenë të shkapërderdhur, diku 6 nxënës kishin mbetur nën autobus”.
Profesori që i shpëtoi më të keqes, thotë se studentet që mbijetuan, u angazhuan menjëherë për t’i shpëtuar shokët.
“Në ato momente kanë zbritur edhe nxënësit dhe filluan më largua dheun nën autobus dhe me i nxjerr të plagosurit. Shumë kanë bërë nxënësit dhe për një kohë të shkurtë i nxorën nxënësit nga autobusi”.
Të mbijetuarit u dërguan me urgjencë në Spitalin e Pukës.
E nga këtu, me anë të helikopterit u transportuan në Tiranë.
Por pavarësisht kësaj, ende nuk po arrinin t’i kuptonin përmasat e vërteta të tragjedisë.
“Kemi qenë të lënduar, kraharorin dhe i kam pasur disa prerje. 3:45 Ne e kemi kuptuar diku vonë në mbrëmje kur erdhën shumë njerëz të na vizitonin, sidomos nga ana e Tropojës. Një oficer ushtrie ma dha telefonin dhe me tha fol (me familjarët) unë i thashë jo. Më tha a di çfarë tmerri është, njoftoje familjen që ke mbijetuar”.
Në këtë tragjedi, humbën jetën 15 maturantë, të gjithë të gjinisë mashkullore.
Pas kthimit në Kosovës, varrimi i tyre u bë në vendin e quajtur “Lëndina e Lotëve” në Malishevë.
