Avokati Visar Rrecaj ka thënë se me prezantimin që ka bërë kryeministri Kurti gjatë fushatës deri tash lë përshtypjen se e ka kuptuar që do t’i humbasë zgjedhjet.
Madje, ai ka thënë se Kurti nuk është edhe vet i interesuar të vazhdojë qeverisjen pasi siç ka thënë ai marrëveshja e Ohrit do të jetë sfiduese për Kosovën dhe gjithë kryeministrat.
“Me prezantimin që është duke e bë kryeministri aktualisht po del se nuk ka interes t’i fitojë zgjedhjet, ose më mirë me thanë e ka pas se do t’i humb zgjedhjet dhe mbështetja që ka pas në vitin 2021 ka rënë shumë. Nuk ka ndonjë interes që t’i fitojë këto zgjedhje sepse pas marrëveshjes së nënshkruar në Ohër përfshirë Asociacionin, tashmë e dinë çka e pret edhe atë edhe Kosovën dhe secilin kryeministër që do të vije”, tha Rrecaj në emisionin “Këndi i Debatit” në Tëvë1.
