Avokati Visar Rrecaj ka thënë se presidentja Vjosa Osmani do të duhej të hiqte dorë nga mandati i dytë për presidente.
Ai ka thënë presidenti i vendit është unifikues dhe meqë partitë opozitare nuk e mbështesin do të duhet të hiqte dorë.
“Më e shëndetshëm do të ishte që Osmani të tërhiqej vet nga kjo garë, kur dihet që opozita edhe kanë deklarua se nuk do ta përkrahin. Është e shëndetshme për demokracinë që të ajo të tërhiqet nga gara”, ka thënë Rrecaj në emisionin “InfoNata” në Tëvë1.
Ai ka thënë se kandidati për president do duhej të dilte nga një marrëveshje mes partive politike.
“z.Kurti do duhej të tregonte një lidership dhe ta merrte përgjegjësinë edhe për shkak të numrit të votave që ka marrë dhe mos të dilte vet me një propozim për president, por një propozim të tillë do duhej ta nxirrte në konsultim me partitë opozitare”, tha ai.
