Policia ka arrestuar D.G 24-vjeçar, pasi që i njëjti kishte rrahur gruan e tij L.V e moshës 23 vjeçare, të cilës i ka shkaktuar lëndime trupore e cila ishte dërguar edhe në trajtim mjekësor, shkruan teve1.info
I dyshuari është shoqëruar në stacionin policor në Kaçanik, dhe i njëjti është dërguar në mbajtje për 48 orë, kështu ka bërë të ditur Policia.
“Stacioni policor në Kaçanik nga Drejtoria Rajonale e Policisë në Ferizaj, dje rreth orës 14:40 ka pranuar një informacion se në fshatin Begracë të Kaçanikut është një rast i dhunës në familje . Në lidhje me këtë, policia ka marr veprimet e nevojshme dhe menjëherë ka dalë në vendin e ngjarjes dhe ka arrestuar personin e dyshuar me inicialet D.G (M/K) i moshës 24 vjeçar, i cili kishte ushtruar dhunë fizike ndaj bashkëshortes së tij me inicialet L.V ( F/K) e moshës 23 vjeçare, duke i shkaktuar lëndime trupore e cila për trajtim mjekësorë ishte dërguar në Qendrën Emergjente në Ferizaj. I dyshuari është shoqëruar në stacionin policor në Kaçanik dhe pasi është intervistuar nga policët hetues të dhunës në familje, me vendim të Prokurorit të Prokurorisë Themelore në Ferizaj është dërguar në mbajtje për 48 orë , për procedura të mëtejme hetimore”, thuhet në njoftim.
