Është vetëm çështje kohe përpara se kampioni i Italisë, Napoli të bëjë zyrtare rinovimin e kontratës me mbrojtësin Amir Rrahmani.
Mediumet italiane kanë raportuar se marrëveshja mes palëve tashmë edhe arritur dhe se gjasat janë të mëdha që brenda këtij muaji të zyrtarizohet.
Rrahmani do ta vazhdoj kontratën me Napolin deri në vitin 2029 me opsionin e vazhdimit edhe për një vit tjetër, ndërsa do të ketë pagë vjetore mbi 4 milionë euro.
31-vjeçari vlerësohet si njëri prej futbollistëve më të rëndësishëm te Napoli, ndërsa dëshmia më e mirë është rinovimi i kontratës aktuale që i skadon në vitin 2027.
Rrahmani në vitin 2020 iu bashkua Napolit, ekip me të cilin ka fituar dy tituj kampioni të Italisë, ndërsa këtë sezon ka vetëm dy paraqitje në Serie A.
