Kapiteni i Kombëtares së Kosovës në futboll, Amir Rrahmani ka zbuluar preferencën e tij për Romelu Lukakun para Victor Osimhenit në sulmin e skuadrës së Napolit.
Lukaku i është bashkuar këtë verë Napolit për ta zëvendësuar Osimhenin, i cili është huazuar te skuadra e Galatasarayt.
Osimhen ka fituar një titull kampioni me Napolin, ndërsa Lukaku deri më tani ka shënuar 2 gola dhe ka bërë po aq asistime në tri ndeshje të luajtura në Serie A.
Rrahmani ka thënë se preferon më shumë Lukakun për shkak të pranisë së tij fizike në fushë dhe ndihmën që ia bën ekipit kur është nën presion.
Sipas Rrahmanit, skuadra e Napolit mund ti përfundoj aksionet në mënyrë efektive me belgun Lukaku.
“Me Lukakun, në mund të luajmë edhe kur jemi nën presion. Ai është fizikisht i fortë, na ndihmon shumë dhe është në gjendje ti përfundoj aksionet në mënyrë efektive”, ka thënë Rrahmani ndër të tjera.
Aktualisht, Napoli zë vendin e dytë në Serie A pas pesë xhirove të zhvilluara, ku ka tubuar 10 pikë, një më pak se Torino që është lider.
