Eman Rrahmani nga Koalicioni për Familje në konferencë për media ka bërë të ditur se janë duke pritur rezultatet zyrtare preliminare nga KQZ-ja, pasi që si koalicion nuk besojnë në rezultatet e exit-polleve që janë publikuar nga mediat në Kosovë.
Sipas tij, për asnjë nga subjektet politike rezultatet nuk janë korrekte, pasi që tha se kaluara ka dëshmuar që ato çdoherë kanë dështuar në saktësinë e tyre.
“Çfarëdo qoftë rezultati vlerësimi nga qytetari është rezultat i punës tonë dhe është rezultat që për punën që e kemi bërë na ka vlerësuar. Do të vazhdojmë të punojmë edhe më shumë dhe do të angazhohemi të jemi pjesë efektive e skenës politike. Po presim rezultatet preliminare që do ta shpallen nga KQZ-ja. Rezultatet që janë publikuar nga exit-pollet nuk besojmë që janë korrekte për asnjë nga subjektet politike, për shkak se e kaluara ka dëshmuar që ato çdoherë kanë dështuar në saktësinë e tyre”, tha ai në konferencë për media.
“Gjendja në terren është më ndryshe. Ne po presim rezultatet zyrtare. Falënderojmë çdo votues të Koalicionit për Familje. Kauza për mbrojtjen e familjes do të vazhdojë”, tha ai/teve1.info/
