Kapiteni i Kombëtares së Kosovës, Amir Rrahmani, sërish e ka gjetur veten në mesin e më të mirëve në kampionatin italian.
Rrahmani është përfshirë në 11-shen më të mirë të xhiros së 17-të në Serie A pas paraqitjes që e pati në fitoren e Napolit në udhëtim te Genoa.
Rrahmani jo vetëm që luajti gjatë tërë ndeshjes, por edhe realizoi gol në triumfin 2:1 për t’u vlerësuar me notën 7.8 dhe është lojtari i vetëm i Napolit që ka zënë vend në ekipin më të mirë.
30-vjeçari këtë sezon ka 1 gol dhe 2 asistime në 17 ndeshje kampionale, ndërsa Napoli zë vendin e dytë në tabelë me 38 pikë, dy më pak se Atalanta që është lidere pas 17-të ndeshjeve të luajtura.
Rrahmani prej vitit 2020 është pjesë e Napolit, ekip me të cilin ka të fituar një titull kampioni të Italisë dhe ka kontratë deri në verën e vitit 2027.
