Sulmuesi Albion Rrahmani është rikthyer në formacionin më të mirë të javës në kampionatin e Çekisë.
Liga çeke, të martën ka publikuar 11-shen e xhiros së 18-të, pjesë e të cilës është edhe sulmuesi i Kombëtares së Kosovës.
Rrahmani është futbollisti i vetëm që përfaqëson Spartën e Pragës në ekipin më të mirë të xhiros, pasi në ndeshjen e fundit ishte vendimtar.
Sparta triumfoi 1:0 në udhëtim te Sigma, falë golit të shënuar nga Rrahmani, i cili realizoi në minutën e 88-të të takimit.
Për Rrahmanin, ky ishte goli i parë në kampionat që nga data 5 tetor, ndërsa në total ka 7 gola të shënuar në 18 ndeshje kampionale.
Në fakt, Rrahmani ka 11 gola e 2 asistime në 29 paraqitje për Spartën e Pragës në të gjitha garat.
