Sulmuesi Albion Rrahmani ka zënë vend në ekipin më të mirë të xhiros së 24-të në kampionatin e Rumanisë.
23-vjeçari vikendin e shkuar ka kontribuar me gol në triumfin e Rapidit të Bukureshtit ndaj Otelulit, ekip që e mposhti me rezultatin 2:1.
Paraqitja e mirë dhe goli i shënuar, ka bërë vend që Rrahmani të jetë në ekipin më të mirë të xhiros, i cili është paraqitur në uebfaqen zyrtare të kampionatit rumun. Rrahmani në fillim të këtij viti është rikthyer nga lëndimi që e mbajti gjatë jashtë fushës, por ka vazhduar me formën e mirë të Rapidi.
Deri më tani, ai ka shënuar tetë gola në nëntë ndeshje të luajtura, ndërsa ka edhe dy asisitime. Aktualisht, Rapidi është i tretë në tabelë me 42 pikë të mbledhura. Pjesë e këtij klubi janë edhe Ermal Krasniqi e Florent Hasani.
