Kapiteni i Kombëtares së Kosovës në futboll, Amir Rrahmani e ka gjetur veten në formacionin më të mirë të xhiros së katërt në Ligën e Kombeve.
Paraqitja fantastike e Rrahmanit në fitoren e Kosovës ndaj Qipros, ka bërë që mbrojtësi i Napolit të përfshihet në 11-shen ideale të xhiros që përfundoi të martën mbrëma.
Në stadiumin “Fadil Vokrri” në Prishtinë, Kosova triumfoi 3:0 ndaj Qipros, ndërsa Rrahmani veç paraqitjes së mirë, kontribuoi edhe me gol.
Ai e zhbllokoi rezultatin e ndeshjes në pjesën e parë dhe është vlerësuar lartë, që gjë ka bërë të jetë në mesin e më të mirëve.
Rrahmani në formacionin e xhiros së katërt është vlerësuar me notën 8.4 për paraqitjen ndaj Qipros dhe është vendosur në qendër të mbrojtjes së bashku me italianin Giovanni Di Lorenzo, të cilin e ka bashkëlojtar te Napoli.
