Kapiteni i Kombëtares së Kosovës, Amir Rrahmani do ta vazhdojë bashkëpunimin me skuadrën e Napolit, ka njoftuar të enjten “Tuttosport”.
Në fakt, gazeta italian raporton se Napoli dhe Rrahmani tashmë kanë arritur marrëveshje për rinovimin e kontratës, pasi aktualja i skadon në vitin 2027.
Me rinovimin e kontratës, Amir Rrahmani do të jetë pjesë e Napolit deri në verën e vitit 2029 dhe do të ketë pagë vjetore prej tre milionë eurosh.
Zyrtarizimi i marrëveshjes për vazhdimin e bashkëpunimit mes Napolit dhe Rrahmanit, pritet të zyrtarizohet brenda këtij muaji, saktësisht pas ndeshjeve të Kombëtareve.
31-vjeçari prej vitit 2020 është pjesë e Napolit, ekip ku është shndërruar në titullar të padiskutueshëm dhe me të cilin ka fituar dy herë titullin e kampionit të Italisë.
Në sezonin aktual, Rrahmani ka regjistruar dy paraqitje për Napolin, ndërsa karrierë në Serie A ka bërë edhe te skuadra e Veronas.
Në 60 paraqitje me Kombëtaren e Kosovës, Rrahmani ka kontribuar edhe me 7 gola.
