Dy persona janë arrestuar në Prishtinë, pasi që pas një mosmarrëveshje janë përleshur në mes vete me një shtetas të Maqedonisë, ku është përdorur edhe arma e zjarrit.
Sipas raportit të policisë, dy personat janë arrestuar, ndërsa i dyshuari shtetas i Maqedonisë gjendet në kërkim policor.
“Prishtinë 13.05.2024, 20;00-20:30. Është raportuar se pas një mosmarrëveshje janë përleshur në mes vete tre të dyshuar meshkuj, dy kosovarë dhe një shtetas i Maqedonisë së veriut. Dyshohet se nga njëri prej të dyshuarve është përdorur edhe arma e zjarrit. Dy të dyshuarit meshkuj kosovarë janë arrestuar dhe pas intervistimit me vendim të prokurorit janë liruar në procedurë të rregullt, kurse i dyshuari shtetas i Maqedonisë gjendet në kërkim policor”, thuhet në njoftim./teve1.info/