Tre nxënës të një shkolle në lagjen “Dardania” në Gjakovë kanë pësuar lëndime pas përfshirjes në një konflikt.
Rasti është konfirmuar nga Policia e Kosovës.
Zëdhënësi rajonal, Shermet Elezaj tha për teve1.info se nxënësit dyshohet se janë lënduar me mjete të forta dhe kanë marrë trajtim mjekësor në spital, ku më pas janë liruar.
“Rreth orës 10:00 është raportuar se tre fëmijë kanë pranuar trajtim mjekësor pasi ishin përfshirë në një përleshje fizike në një shkollë në lagjen “Dardania” në Gjakovë. Pasi kanë pranuar ndihmën e nevojshme mjekësore janë liruar nga spitali (sipas personelit mjekësor dhe hetimeve të para të zhvilluara bëhet fjalë për lëndime të lehta trupore të cilat dyshohet të jenë shkaktuar nga mjete të forta). Policia ju ka përgjigjur rastit dhe është duke u vazhduar me procedurë të rregullt hetimore”, ka thënë Elezaj.
