Njëri nga futbollistët më të mirë të Çekisë, Tomas Rosicky, aktualisht drejtor sportiv te Sparta e Pragës, në një intervistë duke e analizuar formën e klubit, ka folur edhe për Albion Rrahmani.
Sulmuesi i Kosovës, po përjeton një sezon fantastik në ligën elite të Çekisë, duke i shënuar pesë gola dhe një asistim, në tetë ndeshjet e këtij sezoni.
Rosicky duke folur për Rrahmanin, ka zbuluar se ekipi kishte pranuar oferta për të nga ekipe të top pesë ligave evropiane, çka e tregon klasin dhe cilësinë që ka futbollisti kosovar.
“Albioni e luajtur tashmë një sezon. Ka kaluar situata të rëndësishme që nuk i ka përjetuar diku tjetër dhe mendoj se ato e kanë bërë më të fortë.
Jemi ende në një fazë ku pikëpyetja është rreth mësimit me anën fizike dhe agresive kundër vetes. Ai do të goditet, do të shqelmohet. Pikat e tij të forta janë të qarta. Sezonin e kaluar të gjithë prisnim më shumë prej tij.
Tashmë mund ta shihni që klubet nga pesë ligat më të mira ishin të interesuara për të. Megjithatë, nuk pati kurrë debat nga asnjëra palë që ai të mos vazhdonte këtu”, ka thënë Rosicky.
