Ish-kapiteni i Manchester Unitedit dhe Kombëtares së Anglisë, Ëayne Rooney ka pasur vetëm lëvdata për Granit Xhakën, i cili po shkëlqen këtë sezon në Premier League me fanellën e Sunderlandit.
Sunderlandi këtë sezon u rikthye në Premier League, ndërsa pas 11-të ndeshje të luajtura, zë vendin e katërt në tabelë me 19 pikë të mbledhura.
Faktori kyç në këtë start të fuqishëm të Sunderlandit, padyshim që ka qenë Xhaka, i cili është treguar një lider i vërtetë, falë përvojës që ka.
Ai ka luajtur në të gjitha ndeshjet deri më tani, duke kontribuar me 1 gol dhe 3 asistime kurse Sunderlandit iu bashkua para fillimit të sezonit.
Rooney e ka ngritur në qiell Xhakën, të cilin e ka vlerësuar si transferimin më të mirë të sezonit.
“Pa asnjë pikë dyshimi, Xhaka është transferimi më i mirë I sezonit. Ai ka qenë fantastik dhe me përvojën e tij jo vetëm që po ndihmon lojtarët por edhe trajnerin e Sunderlandit”, ka thënë Rooney.
Sunderlandi pagoi rreth 20 milionë euro për transferimin e Xhakës nga Bayer Leverkuseni, duke ia besuar menjëherë shiritin e kapitenit.
