Tashmë, është edhe zyrtare, superylli Cristiano Ronaldo do të jetë pjesë e ekipit nga Arabia Saudite, Al-Nassr.
Ekipi saudit, të enjten ka publikuar një video në rrjetet sociale, ku portugezi u drejtohet të gjithëve me fjalët: “Al-Nassr, përgjithmonë”.
Në anën tjetër, Al-Nassr ka shkruar se “historia vazhdon por nuk ka dhënë detaje tjera.
Raportohet se Ronaldo ka firmosur kontratë të re dyvjeçare dhe do të jetë tek Al-Nassr deri në verën e vitit 2027.
40-vjeçari në sezonin e fundit ka shënuar 35 gola në 41 ndeshje të luajtura kurse ekipit saudit iu bashkua në janar të vitit 2023.
Para se të zhvendoset në Lindjen e mesme, ylli portugez në Evropë ka luajtur për Manchester Unitedin, Juventusin, Real Madridin e Sportingun.
