Ylli portugez, Cristiano Ronaldo do të largohet nga skuadra e Al-Nassr në vitin 2025.
Raportohet se Ronaldo ka refuzuar rinovimin e kontratës me ekipin nga Arabia Saudite dhe në janar do ti shqyrtoj të gjitha opsionet tjera për të ardhmen e tij.
39-vjeçari ka kontratë me Al-Nassr deri në verën e vitit 2025 por është i gatshëm të largohet para kohe për të vazhduar karrierën te ndonjë skuadër që mund të fitoj trofe.
Ronaldo në janar të vitit 2023 vendosi të largohet nga futbolli evropian për t’u zhvendosur në Lindjen e Mesme duke firmosur kontratë me Al-Nassr, ekip me të cilin nuk ka arritur të fitoj asnjë trofe.
Këtë sezon, Ronaldo ka realizuar 16 gola dhe ka bërë tri asistime në 19 paraqitje për ekipin saudit, ku e mbanë shiritin e kapitenit.
Portugezi nuk e ka ndërmend të pensionohet pasi është i vendosur të vazhdoj të luaj dhe të thyej rekorde tjera në botën e këtij sporti.
