Mbrojtësi i Gjermanisë, Mats Hummels do të jetë përforcimi më i ri i skuadrës së Romës.
Mediumet italiane kanë raportuar të mërkurën se Hummels brenda kësaj jave do të zyrtarizohet te Roma pasi tashmë është në kryeqytetin e Italisë për të kryer kontrollimet mjekësore.
Hummels do të firmos me Romën kontratë njëvjeçare me opsionin e vazhdimit edhe për vitin e dytë, ndërsa do të ketë pagë vjetore në vlerë prej 2.5 milionë eurosh.
35-vjeçari te Roma do të transferohet si lojtar i lirë pasi në fund të sezonit të shkuar i skadoi kontrata me Borussia Dortmundin.
Hummels është kampion bote me Gjermaninë, ndërsa krahas Dortmundit në nivel klubesh ka luajtur edhe për Bayern Munchenin.
Ai tashmë është pensionuar nga Kombëtarja e Gjermanisë për të cilën ka regjistruar 78 paraqitje dhe ka shënuar 5 gola.
