Me Gian Piero Gasperinin tashmë në krye të skuadrës dhe me Frederic Massarën si drejtor sportiv, Roma ka nisur punën për ndërtimin e skuadrës për sezonin e ri.
Një nga çështjet që mbetet për t’u zgjidhur është ajo e Marash Kumbullës, i cili më 30 qershor përfundon huazimin te Espanyol dhe rikthehet te verdhekuqtë e Italisë.
Mbrojtësi kuqezi pati një sezon shumë të mirë në La Liga, ku ishte titullar i padiskutueshëm.
Sipas mediave italiane, Roma ka nevojë për të arkëtuar 10 milionë euro dhe Kumbulla është përfshirë në listën e lojtarëve për shitje.
Megjithatë, klubi nuk ka ndërmend ta shesë Kumbullën nën çmimin e blerjes prej 26.5 milionë eurosh.
Espanyol e pëlqen lojtarin, por nuk është gati të bëjë një investim të plotë financiar, teksa klubi spanjoll preferon ta mbajë edhe për një sezon tjetër në formë huazimi.
