Daniele De Rossi do të jetë trajner i skuadrës së Romë edhe për edicionin e ardhshëm.
Kështu, kanë njoftuar të enjten zyrtarët e skuadrës italiane, të cilët janë shumë të kënaqur me rezultat e Romës nën drejtimin e De Rossit deri më tani.
De Rossi, fillimisht ishte angazhuar si trajner i përkohshëm por tani është konfirmuar se do të jetë në krye të ekipit edhe përgjatë edicionit 2024/25.
De Rossi e zëvendësoi Jose Mourinhon e larguar në janar të këtij viti dhe firmosi kontratë deri në fund të edicionin. Ai i ka fituar 11 prej 16 ndeshjeve deri më tani në të gjitha garat, duke regjistruar edhe tri barazime e dy humbje.
Kur De Rossi mori Romën, ekipi ishte në pozitën e nëntë në Serie A kurse tani zë vendin e pestë dhe po lufton për të siguruar pjesëmarrjen në Ligën e Kampionëve.
