Gjatë takimit, Kryetari Abdixhiku dhe ambasadorja Barišić diskutuan për situatën aktuale politike si dhe për proceset integruese të Kosovës dhe rajonit, me ç’rast theksuan se roli mbështetës i Kroacisë është tejet i rëndësishëm.
“ Abdixhiku, shprehu mirënjohjen ndaj shtetit mik kroat për përkrahjen që i ka dhënë dhe që po i jep vendit tonë në çdo takim ndërkombëtar”, thuhet në komunikatën e LDK-së.
Gjatë takimit, kryetari Abdixhiku, përveçse vlerësoi lartë marrëdhëniet e vendeve, theksoi se thellimi i bashkëpunimit të mëtejmë në fushën politike dhe ekonomike dhe fusha tjera është me interes reciprok./teve1.info/
