Karriget i pozicionuan para hyrjes së Kuvendit në të njëjtën kohë që mbahej seanca në tentim për të konstatuar institucionin legjislativ.
E në to janë vendosur emrat e krerëve të partive politike.
Shoqata “Rojet e kohës” me pankartat “S’mund të këtë rroga për ata që nuk punojnë”, “Populli ka votuar jo për të bllokuar” kërkoi daljen nga ngërçi politik.
Ata madje i ftuan qytetarët t’i bashkohen kësaj proteste, thirrje e cila nuk gjeti mbështetje.
“Nëse ju nuk bashkoheni , nëse ne nuk e gjejmë forcën e pajtimit , nëse ne nuk e nderojmë njeri tjetrin as bota nuk do të na nderon”, tha Fatmir Muqolli –qytetar.
Por kjo nuk ishte e vetmja kërkesë.
“Boll me rrena e mashtrim, boll me injorancë dhe arrogancë është koha e zgjimit…”, tha ai.
Gjatë kohës sa deputetet ishin brenda, “Rojet e Kohës” shprehen revoltën e tyre ndaj të zgjedhurve të popullit.
“Ju nuk jeni pronar të këtij shteti, jeni punëtor të tij dhe populli që ju votoj po ju shikon po ju gjykon dhe nuk do të ia fal këtë lojë të ulët me demokracinë”, u shpreh Ship Murseli –qytetar.
Na kjo shoqatë bënë thirrje që sa më parë të krijohen institucionet.
“Siç po shihet atyre nuk po iu vyen shteti por po iu vyen pushteti. Por ne nuk do të lejojmë që atë të pasurohen nga djersa jonë e mundshme. Boll e kanë vjedh mërgatën shqiptare, fondet e luftës, asnjëherë nuk kanë dhënë llogari, këta janë burokratizuar dhe nuk po duan shtet”, tha Isak Sfarqa -qytetar.
Ndonëse të martën nuk ishin shumë në numër, nga kjo shoqatë paralajmëruan protestë masive.
“Nuk kemi pas ndonjë ftesë të përgjithshme për qytetarët se kemi dashtë të vijmë këtu, që ky zë i yni do të shkojë deri tek deputetët e Kuvendit. Herëve të tjera ne kemi me qenë me masive. Ne kemi dashtë në mënyrë simbolike me pru sot vetëm mesazhin”, u shpreh qytetari Abdullah Rrahmani.
Protesta përfundojë e qetë, derisa të pranishëm këtu ishin edhe pjesëtarë nga Policia e Kosovës.
