Ambasadori i Gjermanisë në Kosovë, Jorn Rohde, ka deklaruar se Procesi i Berlinit e forcon mbështetjen për Kosovën dhe gjithë rajonin.
Rohde, po ashtu, ka thënë se ky proces që nga fillimi i tij në vitin 2014, ka arritur të krijojë lidhje më të forta në mes të gjashtëshes së Ballkanit Perëndimor dhe Bashkimit Evropian.
“Krenar të shoh Gjermaninë duke prirë Procesin e Berlinit në 10 vjetorin e tij. Që nga edicioni i tij i parë në 2014, ka krijuar lidhje më të forta, në mes të gjashtëshes të Ballkanit Perëndimor, Bashkimit Evropian dhe vendeve partnere. Së bashku, ne jemi të përkushtuar për të nxitur bashkëpunimin rajonal dhe për të rritur mbështetjen për Kosovën dhe tërë rajonin”, ka shkruar Rohde në platformën “X”.
Proud to see 🇩🇪 hosting the #BerlinProcess on its 10th anniversary.
Since its first edition 2014, it has fostered stronger ties between the WEB-6, 🇪🇺 & partner nations.
Together, we’re committed to boosting regional cooperation + supporting growth in 🇽🇰 and the entire region. pic.twitter.com/To2xRIHZEV— Ambassador Jörn Rohde (@GermanAmbKOS) September 19, 2024
Ndryshe, Procesi i Berlinit filloi dhe u prezantua në 28 Gusht 2014, nga Kancelarja Gjermane Angela Merkel si një iniciativë që synon rritjen e bashkëpunimit rajonal në Ballkanin Perëndimor dhe dhënien e ndihmës për integrimin e vendeve të Ballkanit Perwndimor në Bashkimin Evropian.
Në dhjetëvjetorin e Procesit të Berlinit, më 14 tetor në Berlin të Gjermanisë do të mbahet samiti i radhës, ku pritet të aprovojnë planin e ri katërvjeçar përfshirë marrëveshjet e reja në fushën e arsimit.
Ndërsa, BE-ja ka paralajmëruar se nëse Kosova nuk e heq ndalesën e importit të mallrave nga Serbia, mund të mbetet pa procesin e Berlinit./teve1.info