Ambasadori i Gjermanisë në Kosovë, Jorn Rohde, ka theksuar nevojën urgjente për formimin e institucioneve të reja në vend.
Këtë kërkesë ai e bëri në takim me kryeministrin në detyrë, Albin Kurti.
Rohde e Kurti kanë diskutuar përgjithësisht për zhvillimet e fundit politike pas zgjedhjeve të 9 shkurtit.
“Faleminderit për takimin produktiv Kryeministër! Theksova edhe një herë përpjekjet e vazhdueshme të Gjermanisë për të hequr sa më shpejt masat kundër Kosovës. Theksova gjithashtu rëndësinë e zgjedhjes së shpejtë të kryetarit të Kuvendit dhe formimit të qeverisë së re”, ka shkruar Rohde në platformën “BlueSky”./teve1.info/
