Akt të papranueshëm dhune e ka quajtur ambasadori gjerman në Kosovë, Jorn Rohde sulmin me granatë në Postën e Kosovës në Zveçan.
Sipas Rohde ky incident nënvizon nevojën për përparim thelbësor në Dialogun e lehtësuar nga BE-ja.
Ai në postimin e tij në platformën sociale, “BlueSky” ka shtuar se autorët e këtij sulmi duhet të përballen me drejtësinë.
“Sulmi me granatë në postën në Zveçan është akt i papranueshëm dhune. Garantimi i sigurisë dhe mirëqenies së të gjitha komuniteteve në Kosovë është jetik, autorët duhet të përballen me drejtësinë. Ky incident nënvizon nevojën për përparim thelbësor në Dialogun e lehtësuar nga BE-ja”, ka shkruar Rohde.
The grenade attack on the post office in Zvecan is an unacceptable act of violence. Ensuring the safety and well-being of all communities in Kosovo is vital, the perpetrators must face justice. This incident underscores the need for substantial progress in the EU-facilitated Dialogue.
— Ambassador Jörn Rohde (@pristina.diplo.de) April 1, 2025 at 8:23 PM
Mesnatën e së martës, me granata dore M-75 u sulmua objekti i Postës së Kosovës në komunën e Zveçanit. Njëra nga granatat shpërtheu në momentin e sulmit nga personat atje ndërsa tjetra në mënyrë të kontrolluar nga Policia e Kosovës. Nga sulmi pati vetëm dëme materiale dhe jo persona të lënduar.
