Në 27-vjetorin e njërës prej ngjarjeve më të dhimbshme të historisë sonë, Masakrës së Rogovës së Hasit, janë përkujtuar dëshmorët dhe të rënët për liri.
Më 27, 28 dhe 29 janar 1999, në fshatrat Bishtazhin, Rogovë dhe Goden, ranë në altarin e lirisë 21 dëshmorë dhe 9 martirë të kombit, në mesin e të cilëve edhe dy komandantë të shquar të Ushtrisë Çlirimtare të Kosovës, Agron Rama dhe Agim Zeneli.
Ata ranë gjatë kryerjes së detyrave ushtarake, në transportimin e luftëtarëve të plagosur, si dhe gjatë përpjekjeve për furnizimin me armë të ushtarëve të UÇK-së në frontet e luftës, shkruan RTK.
Bashkëluftëtarë, familjarë, si dhe përfaqësues të institucioneve, kanë nderuar me respekt kujtimin dhe sakrificën e tyre për lirinë e vendit.
