Ish-sulmuesi i Manchester Cityt dhe Real Madridit, Robinho, duhet të vuajë dënimin prej nëntë vjetëve burgim për përdhunim në vendin e tij, Brazil, kështu ka vendosur një gjykatë, ka raportuar BBC të enjten.
Robinho, u shpall fajtor nga një gjykatë italiane në vitin 2017 për pjesëmarrje në përdhunimin në grup të një 22-vjeçareje shqiptare në vitin 2013 kur ishte pjesë e Milanit. Që nga ajo kohë, Robinho ka jetuar në Brazil, vend që nuk i ekstradon shtetasit e tij.
Gjyqtarët në Brasilia të mërkurën kanë vendosur se Robinho duhet të vuajë dënimin në Brazil pas një kërkese nga Italia.
Ai do të mbetet i lirë në pritje për ta apeluar vendimin. Pasi u shpall fajtor, Robinho humbi apelin në vitin 2020 përpara se gjykata më e lartë e Italisë e la në fuqi dënimin më 2022. Më pas prokurorët italianë lëshuan urdhërarrest ndërkombëtar për të.
Futbollisti ka thënë të dielën se seksi me shqiptaren ka qenë “konsensual”.
