Ministrja e Ekonomisë, Artane Rizvanolli në seancë të Kuvendit, ka refuzuar t’i përgjigjet pyetjes parlamentare të deputetit të PDK-së, Ferat Shalës.
Deputeti Shala e ka pyetur ministren Rizvanolli lidhur me operimin e ndërmarrjes “Trepça”, investimet kapitale e proceset që ka kaluar kjo ndërmarrje.
Ndërsa Rizvanolli ka refuzuar t’i kthej një përgjigje, deri siç ka thënë ajo deputetët e kësaj partie t’i votojnë marrëveshjet ndërkombëtare.
“Ju faleminderit për pyetjen z.Shala. Unë e kam përgjigjen në pyetjen tuaj, është pyetje që po pret qe disa muaj, mirëpo siç e dini është qëndrim i Qeverisë që përderisa PDK-ja nuk voton marrëveshjen ndërkombëtare, ne nuk do të përgjigjemi në pyetjet tuaja”, ka thënë Rizvanolli.
